الرئيسية > اخبار الفن > دالي : انا لااقطع رزق اي فنان والجمهور يحبني ويطلبني والالوسي شخص مريض نفسيا

دالي : انا لااقطع رزق اي فنان والجمهور يحبني ويطلبني والالوسي شخص مريض نفسيا

اكدت الفنانة دالي عبر اتصالهاتفي ان جميع مانشر على موقع الفيس بوك هوة كذب وفبركة واليكم القصة الكاملة التي دارت بيني وبين المدعو كمال الالوسي

(كمال كان سابقآ يدخل بمنتداي يسوي تصاميم وماعرف شنو وبالصدفة طلع صديق الفنان عقيل عمران اني تربطني بعقيل علاقة اكثر من
اخ ونحترم بعض هواية عمومآ هوا اخذ رقمي وايميلي وكام يراسلني وكام يحجي حجي غريب فأني شفتة من نوع غريب الأطوار ويفتح كام كاعد يشرب واكعد انصحة واكولة حرام عليك شبابك جنت انصحة هواية هواية والشاهد عقيل عمران عمومآ وراها كام يدز اوف لاينات ويرن مارد عليه هالحجي من زمان ومن يومها لا اعرفة ولا يعرفني غبت اني بسبب انشغالي اشو اتفاجئت بعد ماتخربطت واني داغني لأن ضغطي نزل فنمت مستشفى 3 ايام اشو اجيت فتحت صفحتي بالفيس بوك لكيت واحد حاط صورتي وصورة كتكوت وكاعد ينصب ويحجي حجي متخلف فأني ماعلقت بس سويتلة باند بعدين رنيت عليه اريد اعرف شنو الي ديصير وليش لأن اني ماعندي شي وياه شنو يطلب مني اعتذر للفنانين النو اني كاطعة رزقهم بشرفج هذا كلام منطقي بس الظاهر هذا الولد يريد يشتهر فكال خل اشتهر براس دالي والمايطول العنب يكول عنة حامض ومن يتعلم هوا الثقافة الأخلاقية بعدين خل يحجي عن الثقافة الفنية الي يريد يعلمنياها والأهم خطية اني اتضحلي انو هذا الولد لازم يراجع دكتور نفسي خطية مريض ) ووجهة الفنانة دالي مقولة لكمال (قل ماشئت في مسبتي يا الوسي فسكوتي عن اللئيم جواب وهوا ليس بخوف ولكن مامن اسد يرد علئ الكلاب ) هذا الكلام موجه لشخص اسمة كمال الألوسي مو للي ديقرو حشاكم انتو حبايبي بس انسان عديم اخلاق وديسيئلي بالنت وانو دتشوفون وهذا ردي علئ هذا المريض
واقسم بجلالة الله انو كل الي كالة كذب ” وهوا حاول يوصلي بكل الطرق وماكدر والي مستغربة منة انو اني ماعرفة غير عن طريق عقيل عمران وعقيل قمة بالأخلاق بس هذا ماعندة لا ذمة ولا ضمير وميعرف شي اسمة الله بس حسبي الله ونعم الوكيل بي واني سبق وان صرحت في مجلة ميديا بوكس عن هاي التهديدات الي راح تصير من عدة جماعات وهذا واحد منهم واكدت دالي في نهاية اللقاء

شنو ” يقصد اني كاطعة رزق الفنانين غير كل فنان هوا نجاحة يخلي الناس اطلبة للحفلات اني شعلية خل يشتغلون علئ حضورهم ويغنون شنو قابل اني صاحب محل اني فنانة وجمهوري يحبني ويطلبني وكل فنان ومستواه واكو ناس اجوي لعمان وماحققو شي هذا مو ذنبي هذا من الله والأرزاق على الله

شاهد أيضاً

أفضل 4 أفلام أجنبية في النصف الأول من عام 2017

الأفلام أصبحت من أهم وسائل الترفية، وهناك بالفعل العديد والعديد من الأفلام الأجنبية التي تصدر …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *